דעי טרעידינג פארלאזט זיך שטארק אויף טעכנאלאגיע און שטרענגע דיסציפלין. סוחרים ניצן געווענליך לייוו טשארטס, טעכנישע אינדיקעיטארס, שנעלע עקזעקיושאן פלאטפארמעס, און פון-פריער-באשטימטע ריזיקע גרעניצן. פיל ניצן אויך "סטאפ-לאס" ארדערס צו אויטאמאטיש ארויסגיין פון א טרעיד אויב דער מארקעט רוקט זיך אנטקעגן זיי.

ריזיקע קאנטראל איז דאס וויכטיגסטע

וויבאלד דעי טרעידינג קאנצענטרירט זיך אויף קורצע טערמין מארקעט טוישונגען, קענען טעותים זיך שנעל אנזאמלען. סוקסעספולע סוחרים געבן פריאריטעט צו קאנטראלירן פארלוסטן איידער געווינען יעדן איינציגן טרעיד. באגרעניצן ריזיקע ביי יעדן טרעיד איז אפטמאל וויכטיגער ווי נאכיאגן פראפיטן.

אן שטרענגע דיסציפלין, קענען געפילן ווי מורא און די רייץ פאר נאך א דאלער איבערנעמען, וואס פירט צו אימפולסיווע באשלוסן און באדייטנדע פינאנציעלע דורכפעלער.

די מציאות וואס רוב מענטשן זעען נישט

דעי טרעידינג ווערט אפטמאל פארגעשטעלט ווי "פאן" אדער גרינג, אבער דער רעאליטעט איז גאר אנדערש. עס פאדערט שטענדיגע וואכזאמקייט, גרינטליכע צוגרייטונג, און שטארקע עמאציאנעלע קאנטראל. מארקעטס קענען זיך דרייען אין בלויז עטליכע סעקונדעס, און אפילו ערפארענע אינוועסטירער האבן טעג ווי זיי פארלירן.

אסאך נייע דעי טרעידערס טוען אונטערשאצן ווי לאנג און ווי שווער עס איז זיך עס צו לערנען און טוען איבערשאצן ווי שנעל פראפיטן קענען קומען. וויסנשאפט, פראקטיצירן, און רעאליסטישע ערווארטונגען זענען קריטיש.

איז דעי טרעידינג פאסיג פאר יעדן?

דעי טרעידינג איז נישט פון זיך אליין גוט אדער שלעכט - עס איז פשוט נישט פאר יעדן. געוויסע מענטשן בליען אין שנעלע, הויכע-דרוק סביבות. אנדערע זענען בעסער צוגעפאסט פאר לאנג-טערמיניגע אינוועסטירן אדער א מער רואיגן צוגאנג.

פארשטיין ווי אזוי דעי טרעידינג ארבעט איז ווערדפול, אפילו אויב די וועסט קיינמאל נישט דורכפירן א טרעיד. עס העלפט אנטוויקלען מארקעט באוואוסטזיין און א געזונטערע רעספעקט פאר ריזיקע.

אונטערשטע שורה

דעי טרעידינג איז נישט קיין קורצער וועג צו גרינגע געלט. עס איז א מהלך וואס פארלאנגט געוויסע פעאיגקייטן, און באלוינט דיסציפלין און באשטראפט דאס פארקערטע. פאר די וואס נעמען עס ערנסט, דארף דער פאקוס שטענדיג זיין אויף כסדר'דיגע לערנען, פינקטליכע ריזיקע קאנטראל, און דערגרייכן לאנג-טערמיניגע קאנסיסטענסי, און נישט זיך בלויז אויף שנעלע געווינסן.